PM-in Canada a thleng

France leh Germany ramte a tlawh hnuah, Prime Minister Narendra Modi chuan nimin khan Canada a thleng. Kum 42 chhunga India Prime Minister zinga Canada ram tlawh hmasa ber a ni.

PM Modi leh Canada Prime Minister Stephen Harper-te chu Ottawa-ah an inkawm dawn a, Modi hian Toronto leh Vancouver-ah India mite nen hun an hmang ho bawk ang. Canada-ah hian India mi maktaduai 1.2 vel an awm.

Trade leh investment lama ram pahnihte thawhdunna ṭha zawk siam dan kawng zawnga inbiakna an neih bakah, Modi hian Canada sorkar hi fuel supply agreement a siampui beisei a ni. Ram pahnihte insumdawn tawnna hi dollar tluklehdingawn 6 hu vel a ni. Canada-ah hian ni hnih chamin, naktuk hian a rawn haw ang.