UPI transaction theih zat ti pung

National Payments Corporation of India (NPCI) chuan payment ṭhenkhat atana Unified Payments Interface (UPI) transaction tih theih zat chu Rs nuai 5-ah a ti sang a, nimin aṭang khan hman ṭan nghal a ni.

Standard UPI transaction-ah hian vawi khat pawisa thawnah Rs nuai 1 chin a theih a, category ṭhenkhat - capital market, collection, insurance leh foreign inward remittance-ah Rs nuai 2 chin phal a ni.

NPCI-in pawisa thawn theih chin a tih punna hi chhiah pekna; hospital , educational institution leh investment payment atan a ni ang a, IPOs leh RBI retail direct schemes investment atan a theih bawk ang. Bank, payment service provider (PSPs) leh UPI app-te chuan category hrang hrang atan transaction limit siam thar hi update ve nghal tura tih an ni bawk.