Janata Parivar hming atan 'Samajwadi Janata Party'

Janata Parivar, party paruk inzawmkhawm turte chuan nimin khan an party thar hming atan 'Samajwadi Janata Party' an pawm.

Party paruk inzawmkhawm turte hi Nitish Kumar-a party Janata Dal (United), Lalu Prasas-a party RJD, Mulayam Singh Yadav-a party Samajwadi Party, Om Prakash Chautala-a party Indian National Lok Dal (INLD), Prime Minister hlui HD Deve Gowda party Janata Dal (Secular) leh Samajwadi Janata Party (SJP) te an ni.

Party thar president atan hian Samajwadi Party hotu lu, Mulayam Singh Yadav chu thlan a ni bawk.

Inzawmkhawm dan tur rela Delhi-a inhmukhawm, party paruk hruaitute hian an party hming thar tur hi thlang tawh mah se, party symbol turah an la inrem thei lo. SP symbol, 'bicycle' lem leh, party flag rawngah pawh a sen leh hring inpawlh chu an hmang nghal dawn nia sawi ni mah se, hei hi an pawm tlang thei rih lo a ni.

Party din thar hian Lok Sabha-ah member 15 leh Rajya Sabha-ah member 30 a nei nghal dawn a ni.