An in ṭhiahsak tur humna atan mi 800 Islam-ah an inpe

Uttar Parwadesh-a Rampur-ah Valmiki hnam 8000 chuang chuan Thawhlehni khan an chenna in ṭhiahsak tum humhimna atan Islam sakhua an zawm.

Islam sakhaw zawmtute hian kar kalta khan vauna an dawn thu an sawi. An sakhaw zui an thlak loh chuan an in chu ṭhiahsak an ni dawn a, hei vang hian thlan tur dang an nei lo a, Thawhlehni khan a huhoin Islam-ah hian an inpe tih an sawi.

Rampur civic authority chuan shopping mall sakna tur a duang a, mall sak tumna huam chhung­ah hian Valmiki mite chenna in hi eng emaw zat a awm a ni. Heng inte hi ṭhiah a ngai dawn a, hei hi UP minister, Rampur mi Azam Khan pawhin a thlawp nia sawi a ni.

Azam Khan-a media in charge Fasahat Ali Khan chuan, Valmiki hnamte chu Islam-a inpe mah se, hei hian a hum phah dawn lo tih a sawi. Khan chua, 'Eng hnam emaw, pawl emaw in public ram a luah hi phal a ni lo. Rampur-a sorkar ram luahtu, hnawh­chhuah tam zawk chu Muslim an ni' a ti.

Hetihlai hian Valmiki hnamte chuan an chenna in chhuahsan tura hrilh­tu, municipal-a thawkte hnenah chuan an theih loh thu an hrilh laiin an ni chuan an in ṭhiahsak an nih lohna atan Islam sakhua zawm tura an hrilh thu an sawi.