Smart city hmasa ber siam

Mihring pungchak zel dawlzo tur leh, investment tam zawk hip luhna turin India rama smart city hmasa ber tur chu Gujarat state khawpui, Gandhinagar pawn lam, Sabarmati lui kamah siam ṭan a ni.

India ramah mihring an pung chak a, kum 2050-ah chuan khawpuia cheng hi matkaduai 400-814 vela an punchhoh rin a ni. Hei vang hian mipui pung zel dawl tur hian ruahmanna siam a ngai a ni. Prime Minister Narendra Modi chuan inthlanpui neih dawna a campaign-naah khan kum 2022-ah smart city 100 tal siam a lo tiam a ni.

Gujarat-a smart city siam hi Gujarat International Finance Tec-City (GIFT) tih a ni a, siam zawh a nih hunah chuan sum lakluhna ṭha takah an hmang thei dawn a ni. IL&FS Engineering and Construction nena thawkduna siam a ni ang. India rama financial capital Mumbai bakah rampawn lama Dubai leh Singapore-te el thei tura siam tum a ni.