Civil service exam hun sawn theih a ni lo : UPSC

Union Public Service Commission (UPSC) chuan nimin khan Supreme Court-ah October 4-a civil service exam neih tura ruahman tawh chu sawn theih a nih loh thu a sawi. 

Nimin khan civil service exam sawn tura ngenna chu Supreme Court-ah ngaih­tuah a ni. Justice AM Khanwil­karmkaihhruai bench chuan commission hnenah hian vawiinah hemi chungchanga a dinna hi thehlut tura tiin, Nilainiah hearing neih leh a ni ang. 

UPSC aiawha ding, advocate Naresh Kaushik chuan exam sawn chungchang hi an ngaih­tuah tawh tih a sawi a, mahse sawn hlat zel chuan exam thlenga a tihbuai tur thu a sawi. Sept 30-a neih tura tih kha a ni a, mahse Oct 4-ah sawn hlat a ni tawh a, sawn hlat belh leh zel chu a remchang lo tih a sawi. 

Exam sawn hlat dilna hi exam tum mi 20 te thehluh a ni a, exam hi kaltlangpui a nih chuan India ram khawpui hrang hrangah centre 72-a exam tur kalkhawmte chu Covid-19 darhna hmunah a chan mai a hlauh­thawnawm tih an sawi a ni. Hei bakah hian hri kai hlauhthawn vangin mi tam tak an exam ngam dawn lo tih an sawi bawk.