Cabinet-in 'One Nation, One Election' a pawm

Union cabinet meeting, Nilainia neih chuan Lok Sabha leh State Assembly inthlante a ruala neihna tur, 'One Nation, One Election' bill chu a pawm a, Parliament thlasik ṭhutkhawm neihah bill hi pharh a nih rin a ni.

'One Nation, One Election' chungchang zirchiang tur a din, President hlui Ram Nath Kovind kaihhruai high-level committee report chu union cabinet hian ngaihtuahin, Parliament-a pharh tur hian an pawmsak ta a ni. Meeting zawhah chanchin thar lakhawmtute a kawmnaah, One Nation One Electoin chu thawh hniha kalpui a ni dawn a, committee rawtna siam pawh party tam zawk pawhin an thlawp niin a sawi.

BJP chuan kumin Lok Sabha inthlanpui neih dawna an party manifesto-ah One Nation One Election hi an tiam zingah an lo telh tawh a ni.