LCA Tejas hmeichhe fighter pilot hmasa ber Mohana Singh

Squadron Leader Mohana Singh chuan hmeichhe figher pilot zingah 'Made in India' LCA Tejas fighter jets squadron enkawltu, elite 18 'Flying Bullets' squadron zawm thei hmasa ber a ni.

Officer hi tun hnaia Jodhpur-a 'Tarang Shakti' exercise neihnaah telin, hetah hian force pathuma Vice Chief-te nen an thlawk ho a ni. Sqn Ldr Mohana Singh hi Indian Air Force(IAF) hmeichhe fighter pilot hmasa pathum zingah a tel a, midang pahnih Sqn Ldr Bhawna Kanth leh Sqn Ldr Avni Chaturvedi te hian khawthlang lamah Su-30 MKI fighter jet an khalh ve mek bawk.

Sqn Ldr Mohana Singh hian MiG-21 khalh ṭhinin, Pakistan ramri bul, Gujarat sector-a Naliya air base-a LCA squadron-ah sawn a ni. Armed forces pathum Vice Chief-te nena exercise an neih hi Defence Force-in Make in India a kalpui mek thlawpna lantirna pawimawh tak a ni. Jodhpur-a exercise neihah hian US, Greece, Sri Lanka, Australia leh ram dang eng emaw zat chuan an fighter jet ṭhate nen an rawn chhim a ni.

Sorkar laipuiin kum 2016-a hmeichhiate tana fighter stream a hawn hnuah, tunah hian IAF hian hmeichhe fighter pilot hi 20 vel a nei mek a ni.