RBI governor-in ISIS vauna a dawng

Reserve Bank of India (RBI) governor Raghuram Rajal chuan Islamic State of Iraq and Syria (ISIS) hnen aṭangin vauna e-mail a dawng.

Rajan vauna thawntu email ID hi isis583847@gmail.com a ni a, ID-ah hian ISIS hming hi lan tel avangin Mumbai Police-te chuan an la thutak hle. Rajan-a mail dawnah hian, "Nangmah nuaibo turin tuin emaw sum min pe a ni. An sum min pek aia tam hi min pe thei lo a ni chuan, kan tihtur chu kan thlang fel ang," tihte a tel.

Maharashtra Additional Chief Secreta­ry (Home) KP Bakshi chuan Rajan ven­him­na pawh tihkhauh nghal a nih thu a sawi. Mumbai Police te chuan US-based Google Inc pawh bepawpin, ID chung­chang hi an zawtchiang tawh bawk.