AAP-in hruaitu hel pahnihte chungah action a la dawn

Aam Aadmi Party (AAP) chuan an party hruaitu hel pahnih, Prashant Bhusan leh Yogendra Yadav-te chu tun hnaiah party hriatpui loha convention, Swaraj Samvad buatsaih a, non-political group Swajat Abhiyan an din avang­in an chungah action a la dawn.

Hruaitu hel pahnihte chung­chang ngaihtuahin Ningani khan AAP political affairs committee chuan meeting a nei a, hetah hian party duhdan kalh zawnga an chet avangin an laka action lak ni se tih an rel.

AAP hruaitu Ashutosh chuan Yadav leh Bhushan-te hi hriattirna pein, insawifiahna hun pawh an pe phawt dawn tih a sawi. Mahse an insawifiahna hi committee hian a pawm lo a nih chuan an laka disciplinary action lak a ngai dawn a ni.