Kashmir buainaah Pakistan mawhpuh

Union Home Minister Rajnath Singh chuan Kashmir tualchhung buaina thleng mekah a bultumtu chu Pakistan niin Rajya Sabha-a an sawihonaah a sawichhuak. Hemirual hian inlakhhran duh chung≠changah state mipuite ngaihdan lak phutna chu an pawm dawn lo tih sawiin, Kashmir mipuite rilru chu dik lo taka hruaikawi sak an ni, a ti.

Thawhṭanni khan Rajya Sabha rorel inkhawmah eptu pawlte phut angin Kashmir chungchang sawiho a ni. Raj≠nath Singh chuan sorkar dodal zawnga chete chu na taka beihlet an ni dawn a, hemirual hian mipui pungkhawmte thunun nana silai chelek lo tur leh, a theih chhung chu tear-gas leh water-cannon hman a nih tur thu a sawi.

Minsiter chuan, "Kashmir-a thil thleng mek hi Pakistan thiltih a ni. Mahse Kashmir mipui≠te hi kan mite ngei an ni a, kawng dikah kan hruai kir dawn a, thil awmdan dik tak chu kan hriattir dawn a ni" a ti.

Hnam leh sakhaw tlem zawkte enkawl zui chu sorkar laipui hna a ni tih sawiin, Muslim, Sikh, Kristian leh eng hnam pawh sorkar chuan a ngaihsak zui zel dawn a ni, a ti. Pakistan chu India ram inrelbawlnaah inrawlh tawh lo turin a ti bawk.

Nimin khan a ni 11-na atan Kashmir Valley-a hmun tam zawkah curfew puan chhunzawm leh a ni a, buaina chhuak vanga thi chu mi 42 an tling tawh a ni. Dan leh thupek kengkawh turin police leh paramilitary force ṭha≠hnem tham tak duty tir an ni a, buaina chhuak thar a awm tawh lo nia hriat a ni.