Cabinet-in moon mission thar "Chandrayaan-4" a pawm

Union cabinet ṭhukhawm chuan Nilaini, September 18, 2024 khan India mi, astronaut-ten thla leilung an tlawh leh theihna turin moon mission thar, "Chandrayaan-4" a pawm.

Chandrayaan-4 mission hian kum 2040-ah Indian astronaut-te thla leilunga inkap kai a, him dam laka khawvela an rawn kir leh theih chu a tum ber a ni tiin thuchhuah an siamah an tarlang. Hemi atana technology pawimawhte chu buaipui ṭan thuai a ni dawn tih an tarlang bawk.

"Chandrayaan-4" mission neih tur atana technology hrang hrang hman ngaiturte buaipuina turin Rs vbc 2,104.60 ruahman a nih thu cabinet thuchhuah in a sawi.

Indian Space Research Organisation (ISRO) chuan spacecraft siam leh a kah chhuah lam hi a buaipui dawn a ni. He mission hi pawm a nih ṭanga thla 36 chhungin industry leh academia te nen ṭangkawpa zawhfel theih beisei a ni. Technology pawimawhte hi India ram chhung ngeia siam tura ruahman a ni.