Google laka thubuai ziaklut turin hriattir

Search engine, Google-ah thlalak zawnna, image search-a 'top criminals in the world' tihah Prime Minister Narendra Modi thlalak tihlan a nih avangin lawyer, Sushil Kumar Mishra chuan Allahabad district court-ah complaint a thehlut. Hemi hnu hian court chuan Google lakah hian criminal case siam turin thupek a tichhuak zui a ni.

Mishra hian Allahabad-a Civil Lines polcie station-ah thubuai thehluh a tum a, mahse an lo pawmsak lo a ni. Hemi hma, nikum November thla khan chief judicial magistrate chuan complaint a thehluh tum hi a lo hnawlsak tawh bawk.

Allahabad additional district judge, Mahtab Ahmed chuan Mishra-an complaint a thehluh hnuah, Googel CEO leh India rama an hotu hnenah hriattirna pein, an insawifiahna thehlut turin a ti a, July 31 hian thubuai hi ngaihtuah chhunzawm a ni ang.

Nikum June thla vel aṭang khan Google image search-a khawvela misual langsar thlalak zawnna, 'top criminals in the world' tiha Narendra Modi thlalak hi dah tel a ni tih hmuh a ni. Hemi hnu hian Mishra hian company hnenah hian lehkha thawnin, Modi-a thlalak hi paih turin a ngen a, mahse company hian a lehkha thawn hi a chhang lo. Mahse company chuan thil tihsual palh awmah ngaihdam a dil, a chang chuan internet lama thlalak dahah hian rin loh dan taka indah chhuakte pawh a awm
ṭhin tih sawiin, hetiang thil thleng hi siamṭha turin theihtawp an chhuah thu an sawi.