IAF thlawhtheihna chin hriat lohin awm

Indian Air Force thlawhtheihna, AN-32 chu nimina Chennai aṭanga Port Blair pana a thlawh laiin chin hriat lohin a awm. Thlawhtheihnaah hian mi 29 an chuang a, an zinga parukte chu a thawktu an ni.

Russia siam, AN-32 aircraft hi nimin zing dar 8.30 khan Chennai-a Tambaram aṭangin a thlawk chhuak a, a thlawh chhuah aṭanga minute 16 hnuah an bepawp thei lo a ni. He thlawhtheihna hi a tui thun nawn ngai loin boruakah hian darkar li thleng a thlawk thei a ni. Thlawhtheihnaah hian emergency beacon locator a awm a, a tla a nih chuan heta ṭang hian a hriat theih dawn a ni.

Indian Air Force, Navy leh Coast Guard-te chuan Bay of Bengal-ah thlawhtheihna hi an zawng nghal a, nimin tlai lam thleng khan a chin hriat a la ni lo. A zawng tur hian P-81 serveillance aircraft bakah lawng pali tirh chhuah an ni tawh.

Antonov-32 hi Russia siam, military transport aircraft a ni a, IAF hian kum 1884 aṭangin a hmang ṭan a, foreign customer hmasa ber a ni. Tunah hian khawvel pumah AN-32 hi 250 vel a service mek a, India hian 125 a lei tawh a, heng zinga 105 vel chu service tir an ni.