ED-in Haryana CM hlui thubuai siamsak

Enforcement Directorate (ED) chuan nimin khan Haryana chief minister hlui Bhupinder Singh Hooda leh Associated Journal Ltd chu Prevention of Money Laundering Act (PMLA) hnuaiah dik lo taka ram inpek thubuai a siamsak.

Huda hian chief minister a nih laiin, Panchkula-a ram chu Associated Journal Ltd tan hian dik lo takin a pe a ni. He ram a pek avanga sorkarin sum a hloh hi cheng vaibelchhe tel a tling nia sawi a ni.

Hooda hian Haryanda Urban Development Authority (HUDA) chairman a nih laia industry ho tana ram a pek chungchangah thil dik tawk lo a awm avangin CBI chuan a chhui chiang mek bawk. Hooda hian ram 14, square m 496 vela zau chu man tlawm takin a leitir nia sawi a ni a, a leitu zingah han Renu Hooda, Manjot Kaur leh Nandita Hooda-te pawh an tel. Heng mite hi politician, sorkar official leh thil tithei tak takte nena inkungkaihna nei vek an ni.