Chinese media-ten India vau

India-in Chinese journalist pathumte visa pawhsei sak lo a, India ram chhuahsan tura a tih chungchangah Chinese media-te chuan India chuan a nghawng a tuar ve ngei dawn tiin an vau let.

China ramah hian journalist hnawhchhuah hi a thleng fo a, thla ruk kaltaah khan French journalist pakhat chu Muslim-te laka China policy sawiselna a ziah chung≠chang thupha chawi tura an tihna a zawm duh loh avangin an lo hnawtchhuak tawh a ni. Foreign journalist-te lakah a inlulin ṭhin avang≠in China hian sawisel a tawk fo a ni.

India rama Chinese journalist pathumte chu an official hna chin bak thawkah puh an ni a, sensitive leh restricted area chanchinte hriatchian tuma mi te kawmkuala puh an ni a, hei hi ram himna atana thil pawi thei a nih avangin India ram aṭangin hnawh≠chhuah an ni.

Mahse China sorkar chanchinbu, Global Times chuan journalist-te puhna hi thu dik lo niin a sawi a, hnawhchhuah an nihna chhan tak chu India-in Nuclear Suppliers Group (NSG) member nih a dilna China-in a lo dan sak avanga a phuba lakna a ni, a ti. "NSG chungchang avang≠a phuba la a ni chuan a nghawng let a na hle ang" tiin an chhuah.