Sorkar laipuiin lawyer 111 a ban

Central-a BJP kaihhruai NDA sorkar chuan UPA sorkar hunlaia indirect tax case chungchanga sorkar laipui aiawh tura lawyer atana ruat mi 111-te chu a ban.

June 18 khan Central of Excis and Customs (CBEC) chuan thupek tichhuakin, UPA sorkarin standing counsel atana a ruat mi 251 zinga 111-te chu ban an nih thu a sawi. Lawyer te chhawrna order tihchhuahah chuan kum 2019, June 8 thleng an hna hi thawk tura tih an ni.

Board chuan lawyer 111-te ban an nihna chhan hi a sawilang lo.

Standing counsel hna hi hna pawimawh tak a ni a, he hna chelh turte pawh lawyer rual aṭangin President-in a ruatte an ni. CBEC chuan lawyer-ten indirect tax kaihnawih thubuai an buaipui dante uluk taka a zirchiang hnuah, standing counsel post atan hian President chuan a ruat ṭhin a ni.