Karnataka-ah nawrh vangin school khar

Karnataka State Road Transport Corporation (KSRTC) hnuaia thawkte chuan an hlawh tihsan phutin tiam chin awm loin nimin aṭang khan nawrh an huaihawt.

Nawrh huaihawt hi KSRTC hnuaia thawk nuai 1.23 ten an zawm a, KSRTC bus 23,000 dintir an ni bawk. Mipui veivahna lam nasa takin a nghawng a, sorkar chuan ni hnih chhung atan school chawlh a puan phah bawk.

KSRTC hnathawkte hian an hlawh hi 35% a tihsan an phut a, mahse sorkar chuan 10% chauh≠a tihsan a remtih sak thung. Transport Minister Ramalinga Reddy chuan, "An hlawh hi 30% pawhin tisang ila, sorkar hian an hlawh atan hian cheng vaibelchhe 4,550 a sen belh a ngai dawn a ni. 10% a tihsan erawh kan tihsak thei ang" a ti. KSRTC-a thawkte chuan state dang transport corporation-a thawkte ai pawhin hlawh an la tam zawk niin a sawi.

State sorkarin Essential Services Maintenance Act (ESMA) a hman dawn leh dawn loh chungchanga zawhna chhangin, Reddy chuan sorkar chuan he Act hi hman loh hram a duh a, transport union nen chuan an thil phut chung≠changah inremna kawng zawnga inbiakna neihpui an inpeih reng thu a sawi.