October 1 aṭangin SBI leh driving license dan thar hmang dawn

October 1 aṭang hian ram chhungah dan thar eng emaw zat hman a ni dawn a, heng zinga tam tak chu nitin khawsak phung kaihhnawihte a awm. 

Prime minister Narendra Modi  kaihhruai sorkar laipuiin  Registration cards (RCs) leh driving licenses (DLs)  a siam danglam pawh hman thar tur zingah hian a tel a ni. 

1)  October 1 aṭangin Regis­tration cards (RCs) leh driving licenses (DLs) chu ram pumah inang tlang veka tihchhuah a ni dawn. He driving license tharah hian microchip dah a ni dawn a, Quick Response (QR) code leh Near Field Communication (NFC) a awm bawk ang.

DL-a microchip dah hian record dahṭhatna kawngah sorkar a puih thei dawn a, kum 10 chhunga DL neitu record leh hremna a tawhte pawh a chhinchhiah thei a ni. Hei bakah hian a motor a thlak dan te, a taksa peng midang tana a donate chungchang pawh sorkar hian a record thei bawk ang. 

RC hi paperless hmanga tih tum a ni a, card hma lamah neitu hming a chuang dawn a, a hnung lamah microchip leh QR code dah a ni ang.

2) October 1 aṭangin petrol pump-a credit card hmanga fuel la ten discount an dawn ṭhin chu tihtawp a ni ang.  Debit card leh digital payment mode dang hmangte erawh chu discount pek chhunzawm an la ni ang. 

3) In, car leh presonal loan rate-te a hniam zawk theihna atan Reserve Bank of India (RBI) chuan ramchhunga bank-te chu retail leh MSME loan-te chu external rate benchmark nen link vek turin a hriattir.

4) State Bank of India (SBI) chuan thla tina account a pawisa balance (average monthly balance) awm zat tura bithliah a siam chu a tihhniam dawn, a bithliah chin dah lo tana sum chawitir ṭhin pawh a titlem dawn. 

Metro leh urban centre-a cheng te tan  Average Monthly Balance (AMB)-ah hian Rs 3000 neih/dah tur a ni dawn a, Rural branch-ah Rs 1,000 chin a ni ang. Metro leh urban centre-a AMB 50% a dah pha lo te chu Rs 10 bakah GST chawitir an ni dawn a, 50-75% thlenga bithliah pha lo chu Rs 12 leh GST a chawi a ngai bawk ang. 75% aia tama AMB pha lo chuan Rs 15 leh GST chawi tir  a ni dawna ni. 

5) Sumdawng lian ten corporate tax an pek tihhniamna tur chu October 1 aṭangin hman ṭan a ni ang.