J&K Samba distRICT-AH India leh Pak sipai an inkap

Jammu and Kashmir-a Samba district-ah Inrinni zanah khan India leh Pakistan sipaite an inkap tih nimin khan official pakhatin a sawi.

Border Security Force (BSF)-te'n Samba district-a ram pahnih inrina bula rinhleh thil an hmuh hnu lawkah India leh Pakistan sipaite hi darkar chanve vel an inkap a, thi leh hliam erawh an awm lo niin official chuan a sawi. An inkahna hmun hi Ghagwal sector-a Mangu Chak Border Outpost (BOP) area-ah a ni.

BOP Mangu Chak-ah hian BSF-te chuan mi pathum emaw pali emaw vel Pakistan post Pir Bunker bula an chevel hmuin chung mite chuan India lam thim thama an pan tih an hmuh hnuah silai an hmet puak nghal a, Pakistan lam hian kap let ve nghalin hemi hnu hian India lam pana kalte chu an let leh ta niin an sawi.