Central hnuaia thawkten 7th Pay Commission hmang dawn

Central sorkar hnuaia thawkte hlawhbi leh pension siamna tur, 7th Pay Commission rawt≠na hmanna turin nimin khan Finance Ministry chuan hriattirna a ti≠chhuak a, hlawhbi thar hi August thla aṭangin hman ṭan a ni ang.

Sorkarin hlawhbi thar a siam tur hian central sorkar hnuaia thawk mi maktaduai 4.8 leh pensioner maktaduai 5.2 te a huam dawn a, hemi atana kum khat chhung≠a sorkarin sum a sen tur hi cheng vaibelchhe 1,02,100 a ni.

7th Pay Commission-in sorkar hnathawkte hlawhbi thar tur a duan≠ah hian kum 2015, December 31-a an basic pay chu 2.57-in puntir a ni ang. Kum 2016-2017 atan arrear pek an ni bawk ang. Increment date, kum khatah ṭum khat chauh ni ṭhin chu ṭum hnih siam a ni a, January 1 leh July 1 te ruat a ni. Kum khata increment an hmuh ṭhin chu an hmanlai aiin a let 2.57 in a tam zawk ang.

Entry level pay Rs 7,000 chu Rs 18,000 ah tihpun a ni dawn a, hlawh sang ber tur, Cabinet Secretary hlawh, Rs 90,000 ni ṭhin chu Rs nuai 2.5-ah fixed a ni bawk.