IAF thlawhtheihna bo zawng chhunzawm zel

Indian Air Force thlawhtheihna, AN-32 chu July 22 khan Chennai aṭanga Port Blair pana a thlawh laiin chin hriat lohin a awm a, nimin thleng khan ngawrh taka zawn ni mah se a chin hriat a la ni lo.

IAF hotu Air Chief Marshal Arup Raha chuan mi 29 chuanna, thlawhtheihna hi hmukh ngei tumin an theihna zawng zawngin an zawng zel dawn tih a sawi. Thlawhtheihna hi a thlawhchhuah aṭanga minute 15 hnu vel, Chennai khawchhak lam km 270 vela hlaa a awm laia an biakpawh chu biakpawh a nih hnuhnun ber a nih thu a sawi. Thlawhtheihnaa chuang mi 29 zinga paruk hi a thawkte niin, midangte hi IAF mi leh sa bakah an chhungte, civil mite an ni.

Raha chuan thlawhtheihna leh a chuangte chanchin an la hre thei lo chu pawi a tih thu a sawi a, mahse zawn hmuh ngei a ni dawn tih a sawi. Thlawhtheihnaa chuang chhungte pawh bepawpin, an hma lak dante hrilh hriat reng an nih thu a sawi.