APJ Kalam-a lim hawng

President hlui, Dr APJ Abdul Kalam-a thih champha hmasa ber, nimin khan a hriatreng nana Peikarumbu-a a lim siam chu Union Minister M Venkaiah Naidu-an a hawng. Mi lim hi dar sen (bronze) hmanga siam a ni.

APJ Abdul Kalam hi nikum July 27 khan IIM-Shillong-a thu a sawi laiin nikhaw hre loin a tlu a, a harhchhuak zo ta lo a ni.

Minister Venkaiah Naidu chuan Dr Kalam chu India mipuite rilruah a nung reng a ni tiin, a thi ta chu tun thlenga awih harsa a la tih thu a sawi.

Prime Minister Narendra Modi pawhin nimin khan twitter-ah Abdul Kalam zahna thu ziakin, a hmun ruak chu tumahin an thlak thei lo a ni, a ti.