Delhi-ah auto-taxi ten nawrh chhunzawm

Delhi khawpuia auto leh taxi-te chuan nimin khan a ni hnihna atan nawrh an chhunzawm a, Delhi Chief Minister Arvind Kejirwal-a chuan Lt Governor Najeeb Jung chu an state nunphung tibuai tura BJP thawhpuiah a puh.

Transport Minsiter Satyender Jain chuan BJP thlawptute chuan auto leh motor dangte chu tlan≠chhuak lo turin an dang lui niin a sawi a, heng mite chungah Delhi police-ten action an lak loh chhan a zawt bawk. Nawrh huaihawt zinga mi ṭhenkhatte chuan khawpui chhung hmun hrang hrangah motor tlanchhuah tumte chu an dang lui nia sawi a ni bawk.

Nawrh hi auto leh taxi union 20 intelkhawmten an din, Joint Action Committee hmanga huaihawt a ni a, Delhi sorkar chu app-based service, Ola leh Uber-te tihtawp tura phutin, an thil phut tihhlawh≠tlin a nih hma chuan nawrh chhunzawm zel an tum thu an sawi.