Rel kawnga bawlhhlawh paihte chawitir

National Green Tribunal-in a hriattir angin Railways chuan Delhi khawpui huam chhunga rel kawnga bawlhlhawh paihte sum a chawitir a, sum chawitir
aṭang hian Rs 41,800 a hmu tawh.

Minister of State for Railways Rajen Gohain chuan rel kawnga bawlhhlawh paih, mi 1,099 hnenah hriattirna pek an ni tawh tih sawiin, heng mite hi 'polluter pays principle' hmangin sum chawitir an ni a, Rs 41,800 an hmu tawh niin a sawi.

National Green Tribunal chuan railways hnenah hian relkawng vawnfai hna khauh taka kalpui tur leh, bawlhhlawh paih ṭhinte lakah action la turin alo hriattir tawh a ni. Minister chuan rail kawng leh rel station fai taka enkawl a nih theihna turin enfiah hna ngawrh taka thawh ṭhin a nih thu Lok Sabha inkhawmah a sawilang.

Minister chuan rel station aṭanga ei tur leh bungrua ruk ṭhin veng turin theihtawpa chhuah zel a nih thu a sawi bawk. Railway Protection Force (RPF) te chu rukruk thleng ṭhin veng tur hian ngawrh taka duty tir an ni a ti a, tualchhung police-te pawhin theihtawp an chhuahpui ṭhin niin a sawi.