CEC thar Nazim Zaidi-an a hna a zawm

Chief Election Commissioner (CEC) thar, Dr Nasim Zaidi chuan nimin aṭang khan a hna thar a zawm a, CEC 20-na a ni.

Inrinni khan Hari Shankar Brahma chu CEC aṭangin pension-in a chhuak a, Dr Zaidi hian a thlak a ni. Member pathum awmna, Election Commission-a post ruak dang pahnih chu sorkarin a la hnawhkhah loh avangin Dr Zaidi chauh hi member a la ni rih.

Kum 2017, July thlaa kum 65 a tlin thlengin Dr Zaidi hian CEC hna hi a chelh ang.

IAS officer, Uttar Pradesh cadre 1976 batch, Dr Zaidi hian Kennedy School of Government, Harvard University aṭangin public administration-ah master degree a la a, Harvard Institute for International Development-ah Mason Fellow for Public Policy a ni tawh bawk. Business finance-ah post-graduate diploma niin, bio-chemistry-ah doctorate degree a nei bawk.

Dr Zaidi hian November 2005-October 2008 chhung khan Council of ICAO-ah India palai a ni a, Director General of Civil Aviation a ni tawh bawk.