Document putru chungchangah mi 13 thubuai siamsak an ni

Delhi Police-te chuan Peteroleum Ministry document pawimawh putruk kaihhnawihah mi 13 lakah thubuai an ziak lut.

Thubuai hi Metropolitan Magistrate Akash Jain-a hnenah thehluh a ni a, ani hian vawiin hian Chief Metropolitan Magistrate Sanjay Khanagawal hnenah ngaihtuah turin a pe leh ang.

Police-te hian mi 13-te hi inbumna, dawt hmanga thil ti, a ruka thilti leh criminal conspiracy hnuai­ahte thubuai an siamsak a ni. Chargesheet an thehluh hi phek 44-a chhah niin, hetah hian witness 42 an ziaklang bawk.

Document putruk chungchanga inhnam­hnawiha puh zingah hian corporate executive panga an tel a, chungte chu RIL corporate affairs manager Shailesh Saxena, Jubilant Energy senior executive Subash Chandra, Essar deputy general manager Vinay Kumar, Reliance ADAG deputy general manager Rishi Anand leh Cairns India general manager KK Naik te an ni. Anni bakah hian journalist hlui, web portal neitu Santanu Saikia leh, Melbourne-based energy consultant Prayas Jain-te pawh an tel.