NGT-in state leh UT-te hriattirna a pe

National Green Tribunal (NGT) chuan state leh Union Territories (UT) zawng zawng hnenah hriattirna pein, motor-te'n boruak an tihbawlhhlawhte veng tura hma an lak dante hriattir turin a ti.

NGT chairperson Justice Swatanter Kumar-a kaihhruai bench chuan state leh UT tina chief secretary-te hnenah hriattirna hi pein, motor awm zat pawh hriattir a, air quality sample-te la a, report thehlut turin a hrilh a ni.

Tribunal chuan state sorkarte hnenah, an state ṭheuha boruak bawlhhlawh tihthianghlim a nih theihna tura rawtna an neihte pawh thehlut turin a ti bawk.