Delhi CM ni thei naupang ber Atishi

Aam Aadmi Party(AAP) hruaitu Atishi chu Inrinni, September 21, 2024 khan Delhi Chief Minister thar atan rinawmna thu tiam tira lak luh a ni ta. A rual hian a cabinet minister pawh lak luh an ni ve nghal bawk. Kum 43 mi, Atishi hi Delhi CM ni thei naupangber a ni.

CM thar lakluhna hun hman a nih hma hian Atishi leh a cabinet-te hian Arvind Kejriwal an hmu hmasa a ni. Cabinet atana lak luh zingah hian mi thar Mukesh Ahlawat a awm a, a dangte chu Kejriwal kaihhruai sorkar minister lo ni tawh te -

Gopal Rai, Imran Hussain, Kailash Gahlot leh Saurabh Bharadwaj te an ni.

Atishi hian kum 2013 khan AAP hi zawmin, a lang lo lamah ṭangkai takin a lo thawk tawh ṭhin. Kum 2019 khan in thlan hmachhawn turin a in lan ṭan chauh a, hemi ṭum hian Lok Sabha inthlanah East Delhi ah dingin BJP aiawhtu, Gautam Gambhir a hneh zo lo a ni. Kum 2020-a Delhi assembly inthlanah Kalkaji bialah dingin thlan a ni ta a ni.

Delhi in chief minister hmeichhia pathum a neihna niin, a hma hian BJP hruaitu Suhmsa Swaraj leh Congress hruaitu Sheika Dikshit-te chu Delhi CM an lo ni tawh bawk.

Chief Minister thar, Atishi hian member 70 awmna, Delhi Assembly-in September 26 leh 27 a special session a neihah, sorkarna siam turin thlawptu a ngah tawk em tih fiah a ni ang.