Ganga lui lian vangin Bihar-ah tui a lian

Bihar-a Ganga lui lian vangin district eng emaw zatah tui lian an tuar mek a, nimin khan Bhagalpur district-ah tuiin lei a thlen chhoh avangin rel service tam tak ti tawpin, ṭhenkhat chu kawng dangah tlan tir an ni.

Tui lian vangin hmun eng emaw zat chu tlawhpawh theih lohin an awm a; sikul, college leh university-te pawh tuiin a chim nasa hle. Tui lian hian NH-08 hmun ṭhenkhat chu a len chhe bawk.

East Central Railways-in a tarlan danin, rel kawng te chu tuilian in a tihbuai avangin Sultanganj leh Ratanpur station kal tur te chu eng emaw zat din tir an nih bakah Jamalpur leh Bhagalpur lam zawngin an kawngte tih danglam a ngai. " Tuilian hian Jamalpur leh Bhagalpur inkar a rel kawng dawhna lei te chu Inrinni zan dar 11:45 vel khan chim pha tawhin, tui hian a hlauhawm chin tehna te pawha chim pha vek tawh a ni," tiin an tarlang.

Muzaffarpur Junction-ah rel pakhat chuan Inrinni khan kawng a zawh sual bawk niin official in an tarlang a, a kawng zawh a thlak dawn laiin a ke ṭhenkhat chuan kawng zawh sualin zan dar 8:40 bawr khan a pindan ṭhenkhat a let a ni.