PM Modi-a'n President Biden hnenah silver-a siam rel lem pe

US tlawha zin, Prime minister Narendra Modi chuan US president Joe Biden chu silver hmanga siam rel lem a pe a, a nupui First Lady Jill Biden chu pashmina shawl a pe bawk.

Maharashtra-a mi themthiamten silver 92.5 hmanga rel lem mawi taka an siam "Delhi-Delaware" tih chuanna, a sira "Indian Railway' tih sapṭawng leh Hindi a inziak chu PM Modi hian President Biden hnenah thilpek atan a hlan a ni. He thil siam mawi tak hi a siamtute themthiamna mai bakah Indian railway hmasawnna leh khawvel pum a huhang a ngah zia entirna a ni, a ti.

First Lady Jill Biden tan hian pashmina shawl, quality ṭha leh a anpui awm lo, Jammu and Kashmir siam chu PM chuan a pe bawk. Pashmina shawl siam dan bik hi inrochun thil niin hriatreng tlak sulhnu leh thinlung khawih tak tak lo nei tawh a ni tih official ten an sawi. Pashmina shawl te hi papier mache box, J&k ah khung niin mawi takin an chei a, heng box tin te hian Kashmir ram cultural heritage a an hausak zia te pawh a tarlang bawk.

September 22, 2024 khan PM Modi chuan India ram thil hlui hlu tak tak 297 lai pek kir leh an nih avangin U.S president Joe Biden hnenah lawmthu a hrilh bawk. Prime Minister Modi hi ni thum chamin U.S ah hian a zin a, a cham chhung hian India leh U.S thawhdunna ti chak tura duan India- U.S Comprehensive Global Strategic Partnership, Quad Leaders Summit -ah a tel. He summit hi President Biden a chenna Wilmington, Delaware ah September 22, 2024 Inrinni khan neih a ni.