Boston leh Los Angeles-ah Indian Consulate thar hawng dawn

Prime minister Narendra Modi chuan India-in US-a Boston leh Los Angeles ah te India khua leh tui te tana ṭangkai tak tur Consulate a hawn belh tur thu Pathianni khan a puang.

"Nikum khan Seattle-a India Consulate thar hawn a nih tur thu ka puang tawh a, hei bakah Consulate thar pahnih hawnna tura thurawn min pe tura ka ngen hnuah, Boston leh Los Angeles ah India chuan a hawn belh leh dawn ta a ni," tiin PM chuan New York-a hun a hmannaah a sawi.

Nassau Coliseum, New York-a PM hun hmannaa tel tur hian US hmun hrang hranga India mi cheng, mi 16,000 vel an kal khawm a ni. He hunah hian Modi chuan India leh US inlaichinna ṭhan chhoh dante a sawilang bawk.

Hemi hnu hian PM hian tech leaders leh US-a CEO te chu roundtable conference a neihpui a, ram hrang hrang hruaitute a kawm bawk a ni.