Health Ministry-in Ghee supply-tu insawifiah turin hriattir

Central Health Ministry chuan Thawhṭanni khan Tirupati temple-a ghee supply-tu company hnenah an hnathawkte hna thawhdan kimchang te leh an hmanrua hman te kimchang zawka sawifiah turin hriattirna a pe. Hei hi ministry in company pali te hnen aṭangin sample a lak zinga company pakhat sample in quality test a paltlang loh vang a ni.

Hetih lai hian Tirumala Tirupati Devasthanams(TTD) hruaitu hlui YV Subba Reddy chuan Supreme Court-ah Tirumala-a Sri Venkateswara Swamy Temple hmuna Laddu Prasadam siamna atana ghee supply ṭhinah ransa aṭanga thau an lak te a tel nia sawi chungchang chhui chiang tura independent committee din turin a lo ngen ve bawk.

Temple thuneitute chuan an ei tur siamna atana an bawlhlo hmante enfiah tur hian sensory panel a lo din tawh bawk a ni.

Tirupati Prasadam (laddus) chungchang chhui chiang tur hian Pathianni khan Andhra Pradesh chief minister N Chandrababu Naidu chuan Special Investigation Team (SIT) din a nih thu a sawi a, "Special Investigation Team(SIT) hian sorkarah an thil hmuhchhuah te thehlutin, hemi zulzui hian hma lak a ni dawn a ni" tiin a sawi.

He buaina lo irh chhuah ṭanna chu September 19-a Andhra Pradesh CM-in sorkar hmasa, YSRCP sorkar lai khan Sri Venkateswara Swami Temple-a Tirupati laddoo prasadam siamna atana ghee hmanah ran thau a tel ṭhin tia a sawi vang a ni. Sri Venkateswara Swami Temple hi Hindu temple a ni a, Tirupati district-a Tirumala hills a awm a ni.