Bangladesh-in Amit Shah thusawi demna thu thawn

Union home minister, Amit Shah-a'n kar liamtaa Jharkhand-a thu a sawi dan chuan Bangladesh mite rilru a ti na hle a, Ministry of Foreign Affairs of Bangladesh chuan a thusawi an dem thu hi ziakin Dhaka-a High Commission of India hnenah an thlen.

Bangladesh foreign affairs ministry chuan Shah thusawi duh dan chu pawm harsa an tiin, in zah lohna nasa tak a nih thu an sawi. Bangladesh mipuite rilru chu thuk takin a hliam a ni, a ti.

Amit Shah hian September 20-a Sahibganj, Jharkhand-a a thu a sawinaah Jharkhand tualchhung hrang hrang dinhmun zirchianna a neih te sawiin, Pakur District-a pungkhawm te auhla, Hindu leh Adivasis te chuan Jharkhand chhuahsan rawh se tia an sawi chungchang chhangin, "He lai ram hi Adivasi nge Rohingya, Bangladesh aṭanga dan loa lut rute ta em ni?" tiin a sawi.