PM-in VK Singh a fak

Minister of State for External Affairs Gen (retd) VK Singh-a'n sorkar hnathawh ṭhatte tarlang duh lo a, ṭan lam nei media te sawisel a, 'presstitute' tia a sawi chuan media lam aṭangin sawiselna nasa tak tawk mah se, Prime Minister Narendra Modi chuan chhanin, a hnathawhah a fak hle tih a sawi.

Yemen tualchhung indona thleng vangin Yemen rama India mi awm­te hruaichhuah an ni a, chhanchhuah hna thawhte a hmuna kala enpuitu VK Singh chu a ngaisang hle tih PM chuan a sawi.

Khawvel media hrang hrangte'n VK Singh-a'n India mite chhan­chhuah hnathawhna kawnga a hmalakna an fak laiin, India media te'n an ngaih­thah thung niin Modi chuan a sawi. Modi chuan, "Khawvel hmun hrang hranga TV channel leh newspaper-ahte India-in a mite chhan­chhuah hna a thawh dante hi an tilang a, hetihlai hian ramchhunga newspaper-te chuan a tawpah an tarlang ve chauh a, chu pawh chu chhan dang vang chauhin," tiin, VK Singh ṭawngkam hman sawiselna an tihchhuah chungchang a sawi.