Loneitu pawlten farm bill duh lohna lantir

India rama loneitu pawl (farmers' bodies) hrang hrangte chuan nimin khan farm bill pathum duh lohna lantirin Bharat Bandh an huaihawt.

Bharat Bandh hi Congress, AAP, NDA, SAD-ten an thlawp a ni. Punjab-a IAS officer 14 intel khawm  chuan farm bill hi ngaihtuah ṭha leh tura ngenin sorkar laipuiah lehkha an thehlut a, bill chungchangah hian state sorkar rawn turin an ngen.

Eptu party hrang hrangten  farm bill hi an dodal laiin rorellai BJP party chuan ram chhungah he bill ṭhat zia mipuite hnena hrilh hre turin campaign a nei ve mek bawk.  Agriculture minister leh BJP hruaitu ni bawk Narendra Singh Tomar chuan heng farm bill pathum te hi loneitute tana ṭha tura duan a nih thu leh an hlawkna tura siam a nih thu a sawi. Farm bill zinga The Farmers (Empowerment and Protection) Agreement leh The Essential Commodities (Amendment) Ordinance, 2020 chu Rajya Sabha-ah voice vote hmangin pass a ni a, The Essential Commodities (Amendment) Ordinance, 2020 erawh inkhawm tihtawp a nih tak avangin an pass hman ta lo. Bill pathumte hi Lok Sabha-ah chuan pass fel vek an ni tawh thung.