Sorkarin Hindi Diwas award aṭangin Indira leh Rajiv Gandhi hming a paih

Sorkar laipui chuan Congress party hruaitu hlui leh Prime Minister hlui pahnih, Indira Gandhi leh Rajiv Gandhi-te hming chawia award siam chu a tun hnaiah a thlak.

BJP kaihruai NDA sorkar chuan Indira leh Rajiv Gandhi-te hming hi award hming aṭang hian a paih a, Indira Gandhi Rajbhasha Puraskar' leh 'Rajiv Gandhi Rashtriya Gyan-Vigyan Maulik Pustak Lekhan Puraskar' tih chu 'Rajbhasha Kirti Puraskar' leh 'Rajbhasha Gaurav Puraskar' tiin a thlak a ni.

Heng award-te hi Ministry of Home Affairs-in kum tina a pek ṭhin a ni.

Congress party chuan BJP sorkar thiltih dan chu demin, politics-a phuba lak a tumna a ni, a ti. Hei hi sorkar lam chuan a pha thung a, hming an thlak danglam a nih chhan chu politics thil vang a ni lo, a ti.