Bawngsa khap hi constitutional rights palzutna a ni lo: Maharashtra

Maharashtra sorkar chuan tun hnaia an state chhunga bawng talh leh bawngsa zawrh khapna a siam chu constitutional rights palzutna a ni lo, a ti.

Deputy Secretary, Animal Husbandry department, Chitrakala Suryawanshi-a'n Bombay High Court-a affidavit a thehluhah, bawng talh khapna dan an siam chu an state chhunga bawng humhalhna tur a ni tiin, khapna dan chu chhan ṭha tak neia siam a ni, a ti. Bawng talh khap a nih chuan mipuite tan bawng leh a hnute, bawng ek leh a zun thlengin ṭangkai zawka hman a ni thei dawn a ni, a ti bawk. State sorkar chuan bawnghnute bakah a ek leh zunte chu fuel, leiṭha leh biogas tana ṭang­kai tak an ni tih a sawi.

Maha sorkar chuan bawng talh khapna dan siam hnuaiah a sa lo kawlte pawh pawikhawiha puhna chuan eng fundamental rights mah a palzut lo a ni, a ti.

State sorkarin bawng talh leh a sa zawrh khapna dan a siam tawh chu 'stay' a duh lo tih sawiin, President ngei pawhin he dan hi pawmpuiin mipui­te ṭhatna tura zawka siam a ni, a ti.