SC-in TN Minister hlui Senthal Balaji bail-a chhuah phalsak

Supreme court chuan Tamil Nadu minister hlui, V Senthil Balaji kum 2014-a hna lakna kaihhnawiha dik lo taka sum dawnga puh a nih thubuaiah nimin khan bail-a chhuah a phalsak.

Justice AS Oka leh Augustine George Masih te ṭhutna bench chuan " chhan lian tak pakhat vangin bail hi kan phal sak a ni" tiin an sawi, mahse a chhan tak hi kimchangin an tarlang lo thung.

Balaji hi transport minister a nih lai, kum 2014-2015 khan state transport department a hna laknaah thamna sum a dawng ṭhin nia puh a ni a, nikum June thla khan he thubuaiah hian Enforcement Directorate (ED) chuan a man a ni. February thla khan Madras High Court in bail a dilna a hnawlsak chungchangah Supreme Court-ah ngaihtuah nawn turin a thlen a ni.