Swacch Bharat atana sum pawhpenin nghawng a neih hlau

Sorkar laipuiin faina beihpui a thlak mek, Swacch Bharat Misson (SBM) a kalpuina tura sum mamawh phuhrukna atan drinking water and sanitation ministry budget tihhniam a ni chu parliamentary committee chuan nghawng ṭha lo a neih a hlauthawng hle.

Swacch Bharat avang hian drinking water and sanitation ministry fund chu kum hmasa lam aiin cheng vaibelchhe 12,100 a tihniamin, 2015-16 atan vaibelchhe 5,236 dah a ni. Panel chuan hetianga nasa taka fund tihhniam hian scheme pahnihte hi a nghawng thei dawn a ni, a ti.

Hetihlai hian drinking water and sanitation minister Chaudhry Birender Singh chuan heng scheme pahnihte kalpuina turah hian sum chu an buaina ber a nih loh thu a sawi thung. "State sorkarte tum tur tihsan a nih avangin ramchhunga panchayat hrang hrang hnenah cheng vaibelchhe nuai 2 pek theih beisei a ni. Panchayat tê ber pawhin kum nga chhungin nuai 17 an dawng dawn a, heng sumte hi scheme pahnih atan hian hman a ni ang, a ti.