Sorkarin hnathawkte minimum wage ti pung

Sorkar laipui chuan Ningani khan hnathawktute hlawh bithliah hniam ber, minimum wage rate chu Variable Dearness Allowance (VDA) a ennawn hnu ah ni khatah Rs 1,035 in a ti pung. Hei hi khawsak hautak zel avanga an mamawh phuhrukna leh chhawk zangkhai theihna tur atana tih a nih thu Labour Ministry chuan a tarlang.

Hnathawk hlawh ennawn a nih hnuah hian area 'A' huam chhung - construction, hmunphiat, thil tifai tu, loading leh unloading hna thawk unskilled te hlawh chu ni khatah Rs 783 (20,358 per month) niin, semi-skilled hlawh hniam ber bithliah chu ni khatah Rs 868 (Rs 22,568 per month) leh skilled, clerck leh venhimna hna thawktu (ralthuam hmanglo) te chu ni khatah Rs 954 (Rs 24,804 per month), highly skilled leh venhimna hna thawktu (ralthuam hmangte) chu ni khatah Rs 1,035 (Rs 26,910 per month) ah te tih pun an ni. Hei hi October 1, 2024 aṭanga hman tur niin, April 2024 khan an ennawn hnuhnung ber hi neih a ni.

Hlawh bithliah tihdanglam hi ṭhuang li ah ṭhen niin skill level hrang hrang unskilled, semi-skilled, skilled leh highly skilled-ah te ṭhenin hengte hi an hnathawh theih te a zirin A, B, C ah te ṭhen an ni bawk. Hnathawk tu te puihna tur atana duan niin hnathawhna hmun ṭhenkhat unorganized sector a thawk te tan pawh VDA a ennawn hnu ah an hlawh bithliah hniam ber te pawh hi a tih pun sak niin Labour Ministry chuan a tarlang.