Parliament Standing Committee hrang hrang din a ni

Parliament standing committee chu Ningani September 26, 2024 khan din niin BJP aṭangin Bhartruhari Mahtab chu Finance chair tura tih niin, Congress aṭangin Shashi Tharoor chu External Affairs hruaitu atan ruat a ni bawk.

Department kaihhnawih standing committee-ah hian party hrang hrang aiawh dahin, mini parliament angin an thawk a, ministry hrang hrang hnathawh dante an vilpui a ni.

Committee of Defence hi union minister hlui Radha Mohan in a chair dawn a, hetih laiin Home Affairs lam chu BJP member Radha Mohan Das Agarwal in a kaihruai thung ang.

Defence-ah Rahul Gandhi

Lok Sabha Leader of Opposition Rahul Gandhi chu Committee of Defence member atan ruat niin, United Progressive Alliance (UPA) chairperson Sonia Gandhi hming erawh committee ruat zingah hian a lang ve lo.

Rorel lai BJP thawhpui TDP leh Janata Dal(United) te bakah Maharashtra inthlan tura an thlawp, Shive Sena leh NCP te chuan committee pakhat ṭheuh an kaihruai bawk ang.

Congress member pahnih, Charanjit Sing Channi leh Saptagiri Ulaka te chuan Agriculture, Animal Husbandry and Food Processing leh Rural Development and Panchayati Raj te chu an kaihruai dawn a ni.

Committee 11 chair-ah BJP

Department 24 aṭanga standing committee duan chhuahah hian rorellai, BJP chuan committee 11 ah chair nihna hauhin, National Democratic Alliance (NDA) hnuaia a thawhpui party dangten panel pali an kaihruai bawk. Eptu party lian ber Congress-in committee pali a kaihruai a, eptu party dang DMK leh Trinamool Congress in chair pahnih ve ve an chang a, Samajwadi Party in pakhat a chang thung.