Nutrition Month Programme-ah Maharashtra che ṭha ber

Sorkar laipuiin kum tina nu leh naupangte hriselna chungchanga thla khat awh tur awareness programme a siam ṭhin, Poshan Maah (Nutrition Month) programme 2024-ah Maharashtra state chu a che ṭha ber a, Bihar in a dawt.

Poshan Maah (Nutrition Month) hi kumtinin rampumah buatsaih a ni ṭhin a, kumin hi a vawi sarihna a ni. Union minister of women and child development Annpurna Devi leh Gujarat chief minister Bhupendra Patel-ten Gandhingar, Gujarat-ah August 30 khan program hi an hawng a ni. He programme hnuaiah hian ram pumah activity vaibelchhe 9.22 chuang neih a ni.

Kumin Poshan Maah programme a che ṭha zualte chu Maharashtra, Bihar, Madhya Pradesh, Uttar Pradesh, Gujarat, leh Andhra Pradesh te an ni tih Women and Child Development Ministry chuan a tarlang.

He programme hian state leh Union territory 36-a district 781- a Anganwadi Centres (AWCs) 13,99,484 te a huam a ni. Anganwadi-ah hian thawktu 13,33,561 an awm a, heng centre-te mi vbc 9.98 in an chhawr ṭangkai bawk a ni.