MCD standing Committee thlan danah AAP lungawi lo

Aam Aadmi Party(AAP) chuan Municipal Corporation of Delhi(MCD) standing committee member thlan dan chu duh loin Supreme Court(SC) ah an zualko.

Delhi chief minister Atishi in inthlanna neih dan chu tihdan phung lo leh ram danpui kalh a ni tiin, BJP chu democracy kalphung titawpah a puh.

BJP hi MCD-a member 18 awmna standing committee seat ruak hnawhkhahna turah AAP lamin vote an thlak duh loh vangin chuhtu awm loin a tling a ni. Hetih lai hain AAP lam chuan Delhi Municipal Corporation (DMC) Act, 1957. kalhin member thlanna hi buatsaih a ni, an ti.

Chief Minister chuan inkaihhruaina dan an hmanah chuan mayor chauhin MCD standing commitee member thlan hun leh hmun hi a ruat thei a, inthlan neih tur atana MCD councillor meeting pawh mayor chauhin a kaihruai thei a ni, a ti.

Delhi BJP president Virendra Sachdeva chuan CM Atishi thuchhuah a chhang let a, "Atishi hian section 45 of DMC Act hnuaiah, standing committee din chu tih ngei ngei tur a ni tih a hriat a ngai. Section 487 hnuaiah hian chhan dang ṭha tak aawmchaun Lieutenant governor(L-G) leh municipal commissioner te chuan meeting of Corporation chu an din thei a, meeting buaipuitu officer pawh a ruat thei bawk" tiin a sawi.