PM Modi-a'n Maharashtra-ah project Rs vbc 11,200 hu hawng

Prime minister Narendra Modi chuan Maharashtra-a thawh tur project eng emaw zat, Rs vbc 11,200 hu chu nimin khan video conference kal tlangin hun a hawng.

Heng project-te hi September 26, a PM in Pune a tlawh huna hawn tura tih ni mah se ruahsur nasa avanga PM-in a zin tur ṭhulh tak avangin virtual hmangin a hawng ta a ni.

PM-in project a hawn zingah hian Pune-a Metro section District court pawh telin, underground section hi Rs vbc 1,810 senga siam tur a ni. Rs vbc 2,955 senga siam tur Pune Metro Phase-1-a Swargate-Katraj Extension pawh a tel.

Modi hian Chhatrapati Sambhajinagar chhim lam km 20-a National Industrial Corridor Development Programme of the Centre hnuaia ram acre 7,855-a proejct thawhna tur pawh hawngin, he project hi Delhi Mumbai Industrial Corridor in a siam a ni. Solapur Airport pawh hawngin, hei hian Solapur chu zinmi leh sumdawn zinkual ṭhin te tana tlawhpawh a tih awlsam phah dawn hle a ni. Terminal building awmsa chu kum khata khualzin nuai 4.1 dawlzo tura siamṭhat a ni bawk. Bhidewada, Pune-a Memorial for Krantijyoti Savitribai Phule-a First Girls' School sakna tur lungphum a phum bawk.