Union Finance Minister lakah FIR theh lut

Bengaluru court thupek angin, union finance minister Nirmala Sitharaman leh mi dang eng emaw zat laka electoral bond scheme tihtawp tak kaihhnawihah Supreme Court-ah FIR theh luh a ni.

Nirmala Sitharaman leh mi dang eng emaw zat lakah hian Indian Penal Code hrang hrang article 384(extortion), 120B(criminal conspiracy) leh 34(acts bymultiple individuals with a shared intent) te tlawh chhana an laka thubuai ziahluh a ni tih police-te chuan an sawi.

Electoral bond scheme tihtawp tawh hmanga sum hmansualnaah Finance Minister hi a inhnamhnawih nia puh a ni a, hei vang hian Bengaluru court chuan thubuai ziak lut turin thupek a ti chhuak a ni. Thubuai ziahluhah hian BJP hruaitu lawkte pawh an awm a, an zingah hian Karnataka president B. Y. Vijayendra leh party leader Nalin Kumar Kateel bakah Enforcement Directorate-a official-te pawh an tel a ni.