Agra biak-in beitua puh mi 3 man

April 16-a Agra-a St Mary's Church, Pratapurra ami suasamtu nia puh mi pathum chu Agra police-te'n an man.

SSP Rajesh Modak chuan an mi mante hi kum 30-35 inkar vek an ni a, biak-in suasam lai hian biak-in area-ah hian an awm a, pawikhawihna thlen laia an thiltih an sawifiahna chu pawm tlakah an ngaih loh avangin an man ta tih a sawi. SSP chuan, an cell phone-ah hian awmna hmunte hi a in record vek a, "Thu zawhfiah an nih hunah an inhnamhnawih lo tih finfiah a nih chuan chhuah leh nghal an ni ang," a ti.

Mi pathumte man an nih thu hriat a nih veleh hian Peace Party member-te chuan kawng an zawh nghal a, police-te chuan an hnathawhah ṭan lam neia puhin, mi pathumte chu mi rethei, an thlavang hauhtu nei lo an nih vanga manah an puh.