Chittoor-a inkahna thleng chhuitu tur AP sorkarin a din

Andhra Pradesh sorkar chuan Chittoor district-a Seshachalam ram hnuaia red sandalwood tawlh­ru nia puh, mi 20-te kahhlum an nih dan chhui chiang turin member pariat awmna, Special Investigation Team (SIT) a din.

AP Director General of Police Jasti Venkata Ramudu chuan, "SIT hi National Investigation Agency (NIA), Hyderabad branch hotu, Ravishankar Ayyanar-a'n a ho dawn a, Red Sanders Anti-Smuggling Task Force-te'n mi an kahhlum chungchang hi uluk takin an chhui chiang ang," a ti.

April 7 khan Chittoor district-ah hian special police leh forest department joint team-te chuan red sandalwood tawlhrua puh mi 20 an kaphlum a ni. Mahse an mi kahhlum zinga mi pakhat nupui chuan FIR thehlutin, special task force-te'n rawng taka an kahhlumte chu Tamil Nadu aṭanga kal, nitina inhlawhfate an ni, a ti.