Haryana-ah Congress-in party hruaitu 10 hnawt chhuak

Congress party chuan Haryana-a an party hruaitu 10 te chu party dodal zawnga chetnaa an inhnamhnawih avangin kum ruk chhung party aṭangin an hnawt chhuak.

"All India Congress Committee(AICC) disciplinary committee leh Congress president te pawmpuinain, party dodal zawng thiltihnaa an in hnamhnawih avangin heng hruaitute hi kum ruk chhung party aṭangin hnawhchhuah anni" tiin an thuchhuahah an tarlang.

Hruaitu ban zingah hian Chitra Sarwara, Satvinder Rana, Kapoor Singh Narwal leh Virnder Ghoghrian te an tel.

Hetih lai hian BJP pawhin an party hruaitu zinga pariatte chu Haryana assembly inthlan neih tura independent candidate-a chuh an tum avangin kum ruk chhung atan party aṭangin an hnawtchhuak ve bawk. BJP aṭanga hnawhchhuah zingah hian Haryana assembly inthlan hi October 5 ah neih a ni dawn a, vote chhiar hun atan October 8 ruahman a ni.