Mayawati laka FIR ziaklut turin court-in hriattir

Bihar-a Vaishali district court chuan Bahujan Samaj Party (BSP) hotu Mayawati leh an party hruiatu dang pathumte chu inhuatna chawkchhuak thei zawnga thu an sawi avangin an lakah FIR ziak lut turin thupek a tichhuak.

BSP hruaitu dang pathumte chu national general secretary Nasimuddin Siddiqui, Uttar Pradesh unit president Ram Achal Rajbhar leh state secretary Mewa Lal-te an ni.

Chief Judicial Magistrate Jairam Prasad chuan Hajipur-a cheng, Ajit Singh-a complaint thehluh beh≠chhanin, town police station-ah BSP hruaitu pali-te lakah FIR ziak lut tur hian a ti a ni.

Petition thehluttu hian Mayawati leh an party mite thusawi dan chu ram inpumkhatna tichhe thei a ni tih a sawi. July 21 khan Lucknow-a public meeting neihnaah, Mayawati hian an party worker-te chu BJP hruaitu Dayashankar Singh-an a chungchang thu mawi lo taka a sawi avangin Singh-a nu, nupui leh fanu te bei let turin a fuih niin a sawi.